Ni 25.11.2013-a 18-Aizawl South I bial chhunga Polling Station No.16 Republic-I -a vote thlaknaa complaint dawn chungchang Mizoram Chief Electoral Officer-in Election Commission of India hnena a zuk thlen chu Election Commission of India chuan ngun taka ngaihtuahin Section 58 of the Representation of People Act, 1951 hmangin 18-Aizawl South I bial chhunga Polling Station No.16 Republic-I -a 25.11.2013 ni-a vote thlak chu pawm tlak lovah a ngai a. He Polling Station-a vote thlak that hun atan ni 28.11.2013 (Ningani) zing dar 7:00 atanga tlai dar 4:00 a rawn ruat nghal bawk.

18/16-Republic I, Aizawl South I Polling Station-a vote thlak thatna (Re-poll) neih tur a nih avang hian mipui him zawk nan leh tluang taka inthlan thatna (Repoll) neih a nih theih nan Sub Divisional Magistrate Aizawl (Sadar) Sub Division chuan Section 144 of the Cr PC 1973 (Act II of 1974) tlawhchhanin 18-Aizawl South I huam chhungah Campaign leh vote zawn nana therhlo sem te, invau leh inrikrap te, mipui te himna tichhe thei thil tih reng reng khapna thupek a chhuah a, he thupek hi ni 26.11.2013 atanga hman tan tur niin thla khat chhung a huam ang. Thupek zawm lo te chu Dan anga hrem an ni ang. He thupek hian Magistrate, Armed Forces, Police leh BRTF te a huam lo vang.