No.4265/2021-2022
Aizawl, the 14th March 2022 : Vawiin khan Land Revenue and Settlement changtu Minister Pu Lalruatkima Office Chamber ah amah leh Law, Judicial and Parliamentary Affairs changtu Minister Pu TJ Lalnuntluanga te hovin National Highway leh Railway project atana ram laka temporary pass neitute hnen atanga cess za zela 15 lak chungchanga Gauhati High Court, Aizawl Bench thupek order bawhzui dan tur ngaituahin meeting neih a ni.

Meeting-ah hian dan ang a tax leh cess lak tawh dan te leh High Court thupek order te hi ngun takin ngaihtuah a ni a. Dan siamthat ngai laite pawh ngaihtuah tel a ni. Heng project atana ram lak acquisition kalpui mek a cess lo lak tawh te High Court in pe let leh tura a tih avang te leh dan hman mekah famkim lo deuh lai a lo awm bawk si avangin dan hi a rang thei ang berin siamthat ngai laite siam that nise tih a ni a. Land Revenue & Settlement official ten Advocate General leh Law and Judicial Department te rawn chungin siamthat dan tur lo ngaihtuah se tih a ni.

Meeting ah hian Land Revenue & Settlement, Law & Judicial Department leh Finance Department officials te an tel a ni.