No.3283/2020-2020


Aizawl, the 20th July 2020 : Vawiin khan Land Revenue & Settlement changtu Minister Pu Lalruatkima leh Land Revenue & Survey Board Chairman ni bawk hovin SAD Conference Hall-ah Land Revenue & Survey Board an thukhawm.


Meeting ah hian ram enkawlna dan Land Administration chungchang leh a kaihhnawih thil pawimawh hrang hrang sawiho niin ngaihtuah ho a ni a. Meeting ah hian Land Zoning neih a pawimawh dan te sawilan a ni a. Ram leilung te a hman dan ang tak a hman a nih theih na turin hemi zirchianna Land Zoning Committee din an rel a.  Land zoning hmang hian thlai leh thing te a that duhna hmun te, kawng mumal taka siam theihna hmun turte a hriat theih dawn bakah intodelhna tur atan a tangkai hle dawnin meeting ah chuan an sawi.


Meeting ah hian ram nei, enkawl lo a dah mai mai chungchang te leh sorkar-in a phal aia zau ram neite chungchang pawh an ngaihtuah a. Hemi zirchiang turin Social auditing kalpui tha tiin pilot project atan Lengpui leh Lengte ah Social auditing hi neih hmasak nise tiin an rel a. Chumi hnu-ah khawtin-ah a tahtawl zelin neih zel pawh an tha an tih thu meeting ah hian an sawi.

Attachment

  • Loading attachment...