68/2022-2023
Aizawl, the 6th April, 2022 : Vawiin chawhnu khan Land Revenue & Settlement Minister Pu Lalruatkima chuan Land Revenue & Settlement, Aizawl District Office a tlawh.

Minister chuan Land Revenue & Settlement, Aizawl District Officer leh Staff te hnathawh dan a hmunah enpuiin, section hrang hrangte hnathawh dan leh an harsatnate sawiho a ni a. Officer leh Staff ten an hnathawh dan chi hrang hrang lo hrilhfiahin mipui tan awlsam zawka hnathawh dan tur tha ni a an hriatte Minister hi an lo sawipui bawk.

Minister chuan Land Revenue & Settlement, Aizawl District Officer leh Staff te chu theihtawp chhuaha an hnathawhah fakin, mi rohlu vawngtu leh enkawltu an nihna anga tun aia tha leh felfai zawka hna thawk chhunzawm zel turin a fuih bawk.

Land Revenue & Settlement Office, Aizawl District hnathawh thenkhatte :-

District Office-a Pass kawl zat – 106475 (As on 2nd February, 2022)
Pass digitized zat (approx.)
Residential LSC - 3150
House Pass - 1270
P. Patta - 130
GIS-a update zat - 80483 passes

Aizawl District bik atanga Property Registration Fee leh Stamp Duty atanga sawrkarin Revenue a hmuh chu April 2021 – March 2022 chhungin Rs. 352,36,214.00 a ni.

Aizawl District Office atanga lei man chhiah (tax) sawrkarin Revenue a hmuh zat chu kum 2021 – 2022 chhungin Rs. 540,26,769.00 a ni. Tum dinmunah Land Revenue & Settlement, Aizawl District Office-ah hian staff 74 an awm mek bawk a ni.

Attachment

  • Loading attachment...