No.1485/2021-2022

Covid-19 hrikai/damlote enkawlna hmun (CCC/DCHC/DCH/Home Isolation) atanga chhuah tir (discharge)/ enkawlna tih tawp chungchanga Inkaihhruaina (Guideline) ni 19.05.2021 a chhuah chu Health & Family Welfare Department chuan a hnuaia mi ang hian a siamdanglam (revised) a ni:

1. COVID-19 HRIKAI NATNA LANGCHHUAK LOTE (ASYMPTOMATIC/ MILD) TANA DISCHARGE PROTOCOL: Natna lang chhuak lo te zing ah natna hrik hmuh chhuah a nih atanga ni 10 (sawm) chhung chu uluk taka enthlak(observe) an ni ang. Enthlak chhunga a tawp lam ni 3 (thum) chhunga khawsik an neih tawh loha harsatna an neih loh chuan chhuah (discharged) theih an ni. Chhuah dawnah RAgT/TrueNat/RT-PCR-a test a ngai lo ang.

Discharged a nih hnuah damloin khawsik, khuh emaw, Covid- 19 symptoms emaw a nei leh a nih chuan mahni thua in test tir mai lo vin bialtu CMO emaw Covid helpline no.102/0389-2323336/03892322336/0389-2318336-ah a in report ngei tur a ni. Chuta kaihhruaina a dawnte chu a zawm zui zel tur a ni.

2. COVID-19 HRIKAI (ASYMPTOMATIC) HOME ISOLATION A AWMTE TANA DISCHARGED PROTOCOL: Covid-19 hri kai natna langchhuak lo mahni in a awmte chu Swab Sample lak ni atanga ni 10 (sawm) chhung chu uluk taka enthlak(observed) an ni ang. Enthlak chhunga a tawp lam ni 3 chhunga khawsik an neih tawh loha, harsatna an neih loh chuan chhuah (discharged) theih an ni. Chhuah dawnah RAgT/TrueNat/RTPCR-a test a ngai lo ang.

Discharged a nih hnu ah damlo in khawsik, khuh emaw, Covid-19 symptoms emaw a nei leh a nih chuan mahni thu a in test tir mai lo in bialtu CMO emaw Covid helpline no. 102/0389-2323336/03892322336/0389-2318336-ah a in report ngei tur a ni. Chuta kaihhruaina a dawnte chu a zawm zui zel tur a ni.

3. COVID-19 HRIRAI NATNA LANG CHHUAK TD (SYMPTOMATIC MODERATE) TANA DISCHARGED PROTOCOL : COVID-19 hri kai natna lang chhuakte zingah natna a lan chhuah atanga ni 10(sawm) chhung uluk taka enthlak an ni ang. Enthlak chhunga a tawp lam ni 3 (thum) chhung emaw a aia rei emaw khawsik an neih lohva, oxygen saturation pawh 95% aia sang i.e, Sp02>95% a nih bawka, harsatna an neih loh chuan chhuah (Discharged) theih a ni ang. Chhuah dawnah RAgT/TrueNat/RT-pCR a test a ngai lo ang.

Discharged a nih hnu ah damlo in khawsik, khuh emaw, Covid-19 symptoms emaw a nei leh anih chuan mahni thu a in test tir mai lo in bialtu CMO emaw Covid helpline no. 102/0389-2323336/03892322336/0389-2318336-ah a in report ngei tur a ni. Chuta kaihhruaina a dawnte chu a zawm zui zel tur a ni.

4. COVID-19 HRIKAI DAMLO NA ZUAL LEH NATNA BENVAWN NEI (SEVERE, CRITICAL, CO-MORBIDITY AND IMMUNOCOMPROMISED CASES) TE TANA DISCHARGED PROTOCOL: COVID-19 hri kai damlo na zual leh natna benvawn neite chu ni 3 (thum) chhung khawsik an neih tawh roh bakah, ni 3(thum) chhung an oxygen saturation pawh 95% aia sang i.e. Sp02>95% a nih bawk chuan RT-PCR Test tih tur a ni. RTPCR test result a zirin a hnuaia mi ang hian test leh enkawl chhunzawm tur a ni:-

a. RT-PCR Test result hi a negative chuan COVID-19 hrikai hi chhuah tir (discharged) theih a ni a, amaherawhchu chhuah (discharged) an nih atanga ni 7 chhung chu in hmah uluk takin a inkhung hrang(strict home quarantine) chhunzawm ngei ngei tur a ni.

b. RT-PCR Test result hi a la positive chuan, ni 4 (li) hnuah uluk taka ennawnin RT-PCR test leh tur a ni. A la positive zel chuan ni 28(sawm hnih pariat) chhung chu ni 4 (li) dan zelah la test tur a ni.

c. RT-PCR Test result hi ni 28 (sawm hnih pariat) hnuah pawh a la positive zela, mahse a tawp ni 3 (thum) chhung emaw a aia rei emaw khawsik a neih si loh a, oxygen saturation 95% aia sang i.e, Sp02>95% a nih chuan, a enkawltu Doctor te'n District Core Team for Covid Treatment an rawn ang a, anni hian a tul angin Zoram Medical College (ZMC) Core Team te an rawn leh ang a, tichuan kalpui zel dan tur an rel ang. (Aizawl district bikah erawh chuan enkawltu Doctor in a tul dan a zirin Zoram Medical College (ZMC) Core Team te an rawn ang). Chhuah dischared an nih hunah ni 7 chu in lamah uluk takin an inkhung hrang (strict home quarantine)) chhunzawm ngei ngei tur a ni.

Discharged a nih hnu ah damlo in khawsik, khuh emaw, Covid-19 symptoms emaw a nei leh a nih chuan mahni thu a in test tir mai lo in bialtu CMO emaw Covid helpline no. 102/0389-2323336/03892322336/0389-2318336-ah a in report ngei tur a ni. Chuta kaihhruaina a dawnte chu a zawm zui zel tur a ni.

5. COVID-19 hri kai chhuah (discharged person)te in lama an haw dawnin a enkawltu doctor-in a tul angin a dinhmun leh tihzui ngaite chu damlo chhungte a hrilhfiah tur a ni.

6. Enkawltu doctor-in COVID-19 hri kai chhuahte (discharged person) dinhmun hi Local/ Village Level Task Force hnenah a hrilh hre zel ang.