Vawiin atang khan Rajiv Gandhi Stadium, Mualpui ah India sipai rawngrut lakna tan a ni a. Brig. Sanjeev Nagpal, DDG NE States Shillong chuan rawngrut lakna hi rawn hawngin November 5 thleng rally hi neih a nih hnuaah November 6 khian a hmawr bawk a ni ang.

Vawiin khan Saiha leh Lawngtlai Districts atanga sipai rawn intlar te thlitfim an ni a; hetiang hian district dang te tan intlar hun tur chu ruahman a ni :- November 3, 2016-ah Aizawl District atanga candidate-te, November 4, 2016-ah Champhai, Lunglei leh Serchhip District candidate-te an inlan anga. November 5, 2016 khian Kolasib leh Mamit District candidate-te intlar tur a ni ang. Candidate te chu Admit Card keng vek tura hriattir an ni nghal a ni.