No.1052/2020-2020

Mamit 13th May, 2020 : Tukin khan Mamit District chhung Zamuang, Rengdil leh Damdiai khua-a In thahnem tak rialin a deng chhia.

Rengdil leh Zamuang khua-a rial tla hi a lian hlawm hle a. Khawtlang hruaitute hnen atanga report dawn danin Rengdil khuaah hian In 211 deng chhia-in, In 91- te chu chhe zual a ni. Zamuang khua-ah hian In 216 vel zet rial hian a deng chhe bawk a. In chhe zual hi In 82 a ni. Hei bakah hian Damdiai khua-ah In 27 deng chhia-in, In 4 hi chhe zual a ni bawk.

Mamit District chhunga rialin a den chhiatte hi Mamit District Disaster Management Authority kaltlangin Mizoram Sawrkar hriattir a ni a. Vawiin vek hian District Disaster Management Chairman Dr Lalrozama, IAS District Bawrhsap chuan Rengdil leh Zamuang khua hi a tlawh nghala, Pu Victor Lalawmpuia, SDO (S) Mamit chuan Damdiai khua hi a tlawh nghal bawk. Heng rialin a den khuate tan hian District Disaster Management Authority hmalakna-in Silpauline pek nghal an ni a. Heng bakah hian a tul dan a zirin rangva pawh pek tura ruahman a ni bawk.

Mamit District Bawrhsap hian Rengdil leh Zamuang khua-a hnatlangte thingpui in na tur Rs 5,000/- ( Sangnga) ve ve a hlan nghal a ni.