Right to Information week, 2017 chu ram pum huapin 5^th – 12^th October, 2017 chhung hian hman a ni dawn a. Mizoramah pawh he hapta pual hian Mizoram Information Commission (MIC) leh Information & Public Relations Department tangkawp  buatsaihin hun hman a ni dawn a.  RTI week hawnna hi 5^th October, 2017 (Nilaithawhtan) hian Synod Conference Centre, Mission Veng, Aizawl-ah neih a ni anga, Chief Minister Pu Lal Thanhawla’n khuallian niin he hapta hi a hawng ang. Kumin RTI week pual hian district tinah pawh hun hman a ni dawn a, district tina college zirlai te tan RTI Roadside Hoarding Design Competition buatsaih a ni a, District level a titha thlanchhuah atangin State Level lawmman dawng tur thlanchhuah leh a ni ang.

RTI Week pual hian 6^th October, 2017 hian Lunglei-ah Seminar/ Workshop on RTI neih a ni anga, Pu Lalduhthlana Ralte, Chief Information Commissioner leh Pu Vanlalngena, Secretary, MIC ten he hun hi hmanpuiin, zirtirna an pe ang.