Vawiin khan nikhat awh tur Rilru lam hriselna chungchang in zirtirna, local leaders te tana buatsaih chu Health Directorate Conference Hall, Dinthar-ah neih a ni.
A hawnna programme ah Hospital and Medical Education Director, Dr.Lalrinliana Sailo chuan Mental Health Awareness buatsaih anih chhan sawiin Hriselna hi WHO chuan Mental, Social and spiritual leh Physical a hrisel te tiin a hrilhfiah a, chuvang chuan kan rilru leh ngaihtuahna te a damloh chuan kan taksa pawhin nasa takin a tuar thei a, chuvang chuan kan taksa damna mai piah lamah kan rilru leh ngaihtuahna te pawh a hrisel that a pawimawh hle a ni, a ti.
Dr. Rohmingthanga leh Dr.T.Lalhmangaihi, Jt.Director, Health te pawhin thusawiin khawvel hmasawn chho zelah Mizo te pawh in ke kan pen chho ve zel a, kan taksa mai bak ah kan rilru leh ngaihtuahna te kan hmang nasa ve ta hle, hengte avang hian rilru hrisel, ngaihtuahna hrisel kan lo neih theih nan Phychiatrist te, clinical phychologist te, rawn nachang kan hriat chhoh ve zel a tul a, rilru lam damlohna hian nghawng thalo leh duhawmlo tak tak te a hrinchhuah thin avangin, kan taksa damna kan ngaihpawimawh ang bawk hian ngaihpawimawh tur a ni an ti. Dr.B.Lalramzauva'n lawmthu sawina hun neiin Mental Health lama mithiam bik ten zirtirna an nei zui nghal a ni.
