Vawiin chawhma khan Rashtriya Madhyamik Shiksha Abhiyan (RMSA) hnuaia District Programme Coordinator Meeting (All DPC Meeting) chu Directorate of School Education Conference Hall-ah School Education Director leh State Project Director ni bawk Pu K.Lalthawmmawia, IAS hovin an thukhawm a. 2016-17 Project Approval Board-in approval a pek tawh atanga hnathawh dan tur sawiho a ni.

Pu K. Lalthawmmawia chuan RMSA hnathawh hi zirlai tan a ni a, zirlaite hmakhua hi kan tinzawn leh ngaihtuah ber tur a ni tiin, thawktu awm zawng zawngte awm chhan chu zirlaite an nih thu a sawi a. Chumi kawnga harsatna a awmloh nan, a hun a thawh ngai chi Project Work-ah hian hun tiam chhunga thawh zawh hmanloh vanga pawosa luangral thin te a awm tawh loh nan kumin atang chuan thawktu tin te tan la thar turin a duh thu a sawi bawk a. Data lakkhawm lam pawh chu uluk a ngaih thu a sawi bawk.

Vawiin Meeting-ah hian RMSA State Project Office-a Officer te, District tina DPC, Dy. DPC leh Coordinator-te an tel a ni. 2016-17 Project Approval Board-in Mizoram RMSA tan approval a pek hi cheng nuai 32.06 a ni a, hetah hian spill over a tel lo a ni.