Pu John Rotluangliana Deputy Speaker Bialtu MLA ni bawk chuan Dt 2.5.2013 khan MSDP hnuaia Rs 40lakhs senga  sak RMSA Girls Hostel Rajiv Nagar a mi chu khuallian niin a hawng

Hawnna inkhawm RMSA School a buatsaih Pu Lalrammmawia Colney District Education Officer, Mamit kaihhruaiah thusawiin Pu John Rotluangliana, Deputy Speaker bialtu MLA ni bawk chuan Rajiv Nagar khua leh a chhehvel khua tena an tangkai pui tur Girls Hostel tha tak mai hawn a ni ta chu a lawmawm hle a ni a ti a, sawrkar in hnam hnufual te a ngaihsakin hle a ni tiin hetianga hmeichhia High School zirlai tena an chhawr tangkai theih tur Hostel sak a ni chu a hmalatu Department te hnenah lawmthu a sawi a, a khaw neitu te pawh sawrkar hmalakna thilte enkawl uluk a neitu thinlung puin inta a ni tih hria a duat tak a enkawl chhunzawm tur leh chhawr tangkai ngei turin a chah bawk a ni.

He Girls Hostel hawnna hunah hian Pu R.S Lalzamliana Addl D.C , Mamit pawhin thusawiin sawrkar hmasawnna in helai vela chengte hi a hrereng a ni tiin, chutih rual chuan tih tur tam tak in nei ve a ni a ti a, helai hi ramri depa awm te in nih a vangin rampawn atanga harsatna rawn siamtute lakah pawh ram venhimna kawngah mawhphurhna nasa takin in nei a ni tih hria a, theihtawp chhuah turin a sawm a ni.

Rajiv Nagar a RMSA Girls Hostel hi MSDP hnuaiah Rs 40lakhs senga  RCC Building a sak a ni a, 40X24 a lian niin room pariat a awm a, mi 16 awm theihna a ni.  He Girls Hostel hian Choka a chhawm tel bawk a ni.

Pu John Rotluangliana Deputy Speaker Bialtu MLA hian Dt 3.5.2013 khan a bialchhung khua Damparengpui, Tuirum leh khawhnai khuate tan Soil & Water Conservation Department hnuaia  NLUP Hmunphiah thlangtu chhungkaw 26 te hnenah hmanrua leina tur leh terrace siamnan Rs 19600/- theuh leh Rubber tlangtu chhungkaw pakhat tan hmaraw leina leh tarrace siam nan Rs 6900/- a sem a, pawisa semchhuah zawng zawng hi Rs 516500/- a ni.

Deputy Speaker hian a bialchhung khaw hrang hrang Tuirum, Khawhnai, Teirei, Forest, Damparengpui, Tuipuibari, Rajiv Nagar, Andermanik, Khantlang khua te tlawh nghalin heng khua a tlawhna ah hian khawtlang hruaitute ten lo dawngsawngin an khawtlang tana mamawh hrang hrang te an lo thlen a, heng an harsatna hrang hrang te hi a theih ang anga tihhlawhtlin sak tum an nih thu bialtu MLa hian a sawi a ni.

Bialtu MLA hi Pu R.S Lalzamliana, Addl D.C, Mamit, leh Mamit a Department hrang hrang hotute thahnem takin an tawiawm a ni