Vawiin chawhnu khan Vanapa Hall-ah Road Safety Awareness Campaign Pu P.C. Zoram Sangliana, Transport Minister in a hawng.
Hawnna inkhawmah hian khuallian Pu Zoram Sangliana chuan Motor khalh fimkhur loh vang leh ruihtheih thil tih avanga accident avangin nunna hlu tak tak kan chan thin chu pawi a tih zia a sawi a, thawk tha duh lo leh hlemhlete tan mirethei leh ringtute tawngtai chhuah sorkar Pu Lal Thanhawla kaihhruaiah hian hmun a awm lo, chung mite chuan an sim loh chuan dim an ni dawn lo a ni, a ti.
A sawizelna vawiin a lokal khawmten thupui “Fimkhur taka khalha dam taka thlen” (Careful Drive, Reach Alive) tih hi ngun taka ngaihtuahin, lirthei eng chi pawh khalhtute i fimkhur ang u, a ti. Motor khalhtu ten traffic dan chi hrang hrangte ngaipawimawha zawm ngei tum turin mipui kal khawmte Minister chuan a ngen.
Motor accident tlem nan sorkar leh NGO ten hma nasa takin an la a, ke a kalte leh lirthei khalhtuten kawng hman dan thiam leh hriat a tul thu Pu Zoram Sangliana chuan a sawi bawk.
He inkhawmah hian Transport Director in thuhmahruai a sawi a, S.P. Traffic pawhin Mizoram-a lirthei accident tam dan leh kan kawngpui tawt tawh ziate sawilangin mipuite pawh fimkhur turin a chah bawk a ni.
School naupang thlan bikten traffic dan lam hawi quiz competition an nei a, mithiam thlanten debate thupui ‘Mizoram Motor Accident chhan chu kawng that loh vang a ni’ tih hmangin hun an hmang bawk.
A sawizelna vawiin a lokal khawmten thupui “Fimkhur taka khalha dam taka thlen” (Careful Drive, Reach Alive) tih hi ngun taka ngaihtuahin, lirthei eng chi pawh khalhtute i fimkhur ang u, a ti. Motor khalhtu ten traffic dan chi hrang hrangte ngaipawimawha zawm ngei tum turin mipui kal khawmte Minister chuan a ngen.
Motor accident tlem nan sorkar leh NGO ten hma nasa takin an la a, ke a kalte leh lirthei khalhtuten kawng hman dan thiam leh hriat a tul thu Pu Zoram Sangliana chuan a sawi bawk.
He inkhawmah hian Transport Director in thuhmahruai a sawi a, S.P. Traffic pawhin Mizoram-a lirthei accident tam dan leh kan kawngpui tawt tawh ziate sawilangin mipuite pawh fimkhur turin a chah bawk a ni.
School naupang thlan bikten traffic dan lam hawi quiz competition an nei a, mithiam thlanten debate thupui ‘Mizoram Motor Accident chhan chu kawng that loh vang a ni’ tih hmangin hun an hmang bawk.
