Mizoram sorkar hnuaia Mizoram State Road Safety Council chuan Transport Department huaihawt turin ni 6-12 Feb 2017 chhung hian Mizoram pumah Road Safety Week vawi 28-na a buatsaih dawn a, Hapta hawn ni, ni 6 Feb 2017 zing dar 8:00 AM ah Transport Minister Pu John Rotluangliana’n Two Wheeler Rally Kulikawn atangin a vailiam ang a, chawhma dar 11:00 AM ah I&PR Auditoriumah programme lian zawk neih a ni ang. Hetah hian Transport Minister leh Health & Family Welfare Minister te chu khuallian an ni ang.

Hemi Week denchhen hian ni 10 Feb 2017 (Friday) chawhma dar 11:00 AM ah Lal Thanhawla Auditoriumah seminar buatsaih a ni bawk dawn a. He Road Safety Week pual hian ni 5 Feb 2017 (Sunday) tlaiah DDK leh Local Channelahte Chief Minister Pu Lal Thanhawla thuchah tihchhuah ani bawk ang.

Mizoram State Road Safety Council chuan he Hapta hmang tur hian mi zawng zawng a sawm a ni.