SBI Internet banking hmangte tan heng District panga (5) - Aizawl, Lunglei, Serchhip, Kolasib leh Mamit ah te hian Road Tax leh Passenger & Goods Tax pe turin DTO Office pan kher ngai lovin online system hmangin a pek theih dawn ta.

Pu Hrangtawna, Transport Commissioner chuan e-payment hian sorkar tan revenue a tihpun tur thu sawiin, mipuiten mahni awmhmun atangin tax hi an pe thei tawh dawn a ni a ti a. Tax dues an neih pawh penalty holiday siamin road tax ba nei te chuan thla khat chhungin e-payment hmangin emaw DTO office ah emaw an pek chuan penalty ngaihdam an ni dawn a ni a ti bawk. Hei hian fitness leh permit penalty te pawh a huam dawn a ni.

Transport Commissioner chuan tax pe tura motor neitute hun leh tha, sum sen hi a hautak tham avangin mipuite tan awlsamna a siam dawn bakah hlawk thlak tak anih dawn avanga buatsaih an nih thu a sawi bawk. Net Banking nei lo te tan ATM, debit/Credit Card hmanga tax pek dan tur pawh ruahman mek a ni.