Executive Engineer (Monitoring) for Engineer-In-Chief, PWD, i/c Information Cell chuan Aizawl huamchhung kawngpui laihchhiat kalphung chungchanga a thuchhuah chu a hnuai ami ang hi a ni e:

Superintending Engineer, PWD, Building Circle huamchhung (Aizawl huamchhung) ah motor kawngpui laichhiaa tui pipe emaw thildang engpawh, mimal emaw pawl ho emaw Sawrkar Department te pawhin kawngpui laichat turin phalna an neih hmasak a ngai a. Chutiang ang hnathawk duhte chuan Executive Engineer-te hnenah plain paper hmangin dilna an siam a, phal sak an nih chuan Sub-Divisional Officer ten a siam that lehna tur proforma Bill an siam a. Kawng laichhe duhtu chuan a siamthat lehna tur senso ngai pawisa te a pek fel hnuah chauh kawng laihchhiat phalna (Road Cut Permission) hi pek thin a ni.

An pawisa deposit hi receipt fel taka pek anih hnuah short code of 8782:R:PWD Challan hmangin CAR-7[see Rule 26(1)] Government Revenue atan State Bank of India—ah deposit leh thin a ni a. Pawisa tlingkhawm hi heng kawng laihchhiat thawmthat lehna atan hman thin a ni a, amaherawhchu a hlawm deuhva hna hi kalpui thin a nih avangin hun engemaw chen chu thawm that (Restoration) lohva a awm Chang a awm thin. Hei hi senso tlem zawka hnathawh anih theih nana tih a ni.

Hetiang hi Department hnathawh dan kalphung a nih avangin hmun thenkhatah chuan phalna nei lova a ruk a ral a kawngpui lo laichhia an lo awm thei a, khawtlang hruaitu Local Council, YMA leh mi tupawh an tawiawmna leh venpuina PWD chuan a mamawh a, kalphung pangngai ang taka hnathawh a nih theih nan mipui tawiawmna PWD chuan a ngen tak meuh a ni e.