Tualchhung parawn kai deuh deuh leh thuthar thehdarh tute sawm khawma ‘Role of Media’ tih thupui sawihona chu I & PR Department huaihawtin April 21 (Thawhlehni) chawhma dar 11:00 hian I & PR Auditorium-ah neih a ni dawn.

Tunlai khawvelin hmasawnna namen lova a zawh lai hian thuthar thehdarhtu leh puangzartu Media-te pawimawhna leh tangkaizia pawh khawvelin a hre thar ve zel a. Hetih lai hian an mawhphurhna leh chanvo te, mipuite hnena thupuan zar kawnga an tih tur leh tih loh tur te, an hnathawhin bithliah chin a neih dan te chu mipui mimir pawhin an hriat a pawimawh zual ta hle a. Chuvangin hemi kawnga inhmang mek print leh electronic media mi leh sa te, tawn hriat ngah leh rawn tling engemaw zat te nen he thupui pawimawh tak hi huam zau taka sawihona hun buatsaih chu a buatsaihtu I & PR Deptt. duhthusam a ni.

He hun hmang tur hian tualchhung mite bakah district dang atang pawhin MJA member engemaw zat lo tel tura beisei an ni.