2627/2024-2025

AIZAWL; the 21^st October, 2024: Vawiin ni hi India ram pumah Police Commemoration Day  atan hman thin a ni a,October 21, 1959 khan DCIO Karam Singh hona hnuaia 3rd Battalion CRPF police party tlemte chuan Ladakh hmun a Hot Springs area, tuipui atanga 15000 ft - ft 16000 ft-a sangah ramri venga an patrol chu Chinese sipai, ralthuam famkim leh hmanraw tha tak tak a thuam te chuan lo lambunin police sawm (10) in nunna an chan a, police pasarih (7) te chu hliam tuar chunga man an ni bawk.

He thil thlen hnu, 1960 kuma ‘Annual Conference of IGP of States and UT’ neih chuan October 21chu ‘Police Commemoration Day’ atana pawm turin resolution an pass a ni. Chutiang chuan kum 1960 atang khan October 21 hi kum tin Police Commemoration Day atan hman thin niin, India ram humhalhna kawnga inpekna sang ber, mahni nun hlantu police martar huaisente chawimawina ni atan hman a ni.

September 1, 2023 leh August 31, 2024 inkar khan police mi 216 zetin an mawhphurhna an hlenna kawngah nunna an hlan a, tin, August 15, 1947 atanga August 31, 2024 thleng khan police 36449 zet martar an awm tawh bawk. Kumin chhung hian vanneihthlak takin Mizoram Police zingah duty laia hmelma kut a thi an awm lo a, kum 1966 atanga vawiin thlengin Mizoram Police zingah, duty laia nunna chan mi 54 (sawmnga leh pali) lai an awm tawh thung a ni.

Mizoram-ah pawh ni 21st October, 2024 zing dar 7-ah hian District Headquarters leh Battalion Headquarters-ah te Commemoration Parade hi neih a ni a. A hmanna pui ber Aizawl-ah chuan Martar Thlan,1st Bn. MAP Headquarters, Armed Veng-ah Pu Anil Shukla, IPS, DGP, Mizoram, senior police officer, CRPF, BSF, SIB leh Assam Rifles officer ten hun hmangin urhsun taka sunna neiin, martar thlanah zahna pangpar dah a ni.

PR Police Commemoration Day 2024 combined.pdf