Vawiin khan Joint Secretary Health & Family Department pisa-ah Rashtriya Swasthya Bima Yojana (RSBY) a Mizoram Sorkar leh National Insurance Company te thawhhona tun kum August ni 31 a tawp tur chu, kum khat dang (2011 - 2012) atan thawhhona thuthlung (MOU) thar ziah fel leh a ni a. RSBY a thawhona thuthlung ah hian Mizoram Sorkar aiawhin Pu R. Lalrothanga, Joint Secretary, H&FW Department in hming a ziak a, National Insurance Company aiawhin Pu Ranjit Singh Administrative Officer Silchar Division in hming a ziak ve a ni.
Tarlan tawh thin angin RSBY hi Sorkar Laipui in BPL chhungkua te damloh nikhuaa damdawina manchawi lova an in enkawl theihna tur, Scheme a duan niin State Sorkar enkawlna hnuaia kalpui a ni.
MOU ziah fel hnu hian District workshop te neih anih hnuah inziahluhna (Enrolment)hun hawn a ni ang. Mizoram Health Care Society chuan mahni Sub-Centre theuhah thlathum chhung inziahluhna hun hawn tur thu sawiin mipui a bikin BPL chhungkua ten lo ngaipawimawh hram hram turin an ngen a ni.
RSBY inziahluh hun hawn rual hian Health Care Scheme hnuaia inziahluhna hun pawh tihkawp a ni tur thu Mizoram Health Care Society te chuan an sawi.
MOU ziah fel hnu hian District workshop te neih anih hnuah inziahluhna (Enrolment)hun hawn a ni ang. Mizoram Health Care Society chuan mahni Sub-Centre theuhah thlathum chhung inziahluhna hun hawn tur thu sawiin mipui a bikin BPL chhungkua ten lo ngaipawimawh hram hram turin an ngen a ni.
RSBY inziahluh hun hawn rual hian Health Care Scheme hnuaia inziahluhna hun pawh tihkawp a ni tur thu Mizoram Health Care Society te chuan an sawi.
