Vawiin khan Chief Information Commissioner Pu Lal Dingliana, IFS hovin a pisa-ah October ni 7 – 12 chhunga RTI Hapta (RTI Week) hman dan tur sawiho a ni.

Meeting-ah hian State Information Commissioner Pu L. Hrangnawna IPS, I&PR Director Pu Jim K. Chozah leh Mizoram State Information Commission-a Officer-te an tel a ni. Meeting-ah hian Right to Information Act hi tangkai leh hlawk zawk a hman a nih theih nan mipuiten zawh duh leh hriatfiah duh an neih te chhanna hun siam ni se tiin rel a ni a. RTI Hapta hawnna inkhawm hi Aizawlah October ni 7-ah Vanapa Hall a hman tura rel niin, district dangah chuan Chief Information Commissioner-in Champhaiah, State Information Commissioner-in Lungleiah leh I&PR Director-in Saiha-ah hmanpui se tih rel a ni a. District dang zawngah chuan Information & Public Relations Department-in hma lo la se tih an rel bakah a tul anga hma lo la turin MSIC hotute chuan I & PR Department chu an ngen nghal bawk a ni.