Ministry of Youth Affairs & Sports hnuaia Special Olympics Bharat, Mizoram buatsaih rualbanlo te tana National Coaching Camp chu Ramhlun Sports Complex-ah vawiin khan tan a ni a. Home Minister Pu R. Lalzirliana\\\'n Coaching Camp hi a hawng.

Tun tum National Coaching Camp hi Special Olympics Bharat hian Mizorama an buatsaih vawi hnihna a ni a, Mamit District leh Serchhip District te bakah Mizoram pawn State pali Manipur, Bihar, Orissa leh West Bengal atangin Camp hi an rawn chhim a ni. Italian infiamna chi khat Bocce leh Football-ah te naupang te hian December ni 1 thleng Training an nei ang.

Hawnna inkhawm, Spastic Society of Mizoram Secretary Pi Chhingpuii kaihhruaiah hian Minister Pu R. Lalzirliana chuan rualbanlo te ho khawm a, hmangaihna nen dawhthei taka enkawl tu te chu fakawm leh ropui a tih thu a sawi a. National Coaching Camp an neih chhung zawngin tluang tak leh hlim taka hun hmang turin duhsakna a hlan a ni.