3190/2022-2023
Aizawl, the 6th January 2023 : Mizorama rubber chingtute leh a kaihhnawih kuthnathawktute chawikan nan vawiin khan Land Resources, Soil & Water Conservation Department; North East Small Finance Bank (NESFB) leh Mizoram Rubber Society te chuan vawiin khan thawhhona thuthlung Memorandum of Understanding (MoU) an ziak fel. MoU ah hian Pi Maria CT Zuali, IAS Secretary, Land Resources, Soil & Water Conservation Department; Pu John Lalawmpuia Zonal Manager NESFB leh Pu K Hrangzuala President Mizoram Rubber Society ten hming an ziah hnan a ni.

MoU hi Mizoram a Rubber chingtuten tharchhuah tam zawk an neih theih nante, hlawk zawka Mizoram pawna an thawnchhuah theih nan te hmalak hona tur atan ziah a ni a. He MoU hian a tum ber a chu kut hnathawktute chawikang a ni. Hetiang ang thawhhona thuthlung hi November ni 28 2022 khan North East Small Finance Bank  chuan Horticulture Department leh Mizoram Dragon Fruit Farmers’ Association te alo sign pui tawh a ni.