1549/2025-2026

Dated Kolasib the 7th August 2025: Vawiin khan Kolasib District chhunga ruihhlo do kalpui dan chungchangah District Level NCORD Meeting chu DC Conference Hall Kolasibah neih a ni a. Kolasib Deputy Commissioner leh District NCORD Chairman ni bawk Pu Robert C. Lalhmangaiha chuan he Meeting hi a kaihruai a ni.

Kolasib DC Pu Robert C.Lalhmangaiha chuan Ruihhlo leh Damdawi hmansualna chu ram leh hnam tana thil pawi tak a nih thu sawiin Sawkar pawh in ngaipawimawhin a dona kawngah nasa takin hma a lak thu a sawi a. Ruihhlo dona kawng Narco Coordination Centre (NCORD) te'n thutkhawmna an nei thei chu lawmawm tiin Ruihhlo leh Damdawi hmansualna dona kawnga thawktu hrang hrangte hnathawh chu fakawm a tih thu a sawi bawk.

He hunah hian Pu David Lalthangliana, SP Kolasib chuan Ruihhlo dona kawnga Kolasib District chhunga Police-te hmalakna hrang hrang Report a pe a. Kumin May thla atanga vawiin thlengin Heroin 97 grams manin, IMFL (Sapzu) littre 5706.11 leh Beer 789.5 ltr man a nih thu a tarlang a. Hemi kaihhnawihah hian mi 15 manin case 13 Register niin lirthei 9 man a ni. Hei bakah hian ruihhlo that loh dan inzirtirna School hrang hrang 9 ah vantlang huapin neih a nih thute SP Kolasib chuan a tarlang bawk a ni.

Hemi chhung vek hian Excise & Narcotics Department-te hmalakna in Heroin 2.650 kg, Ganja 2.5 kg leh Methamphetamine 2.9 kg man niin, Sapzu leh Tualchhung siam zu thahnemtak man a ni a. ND&PS Act hnuaiah mi 29 man niin Case 11 Registered a ni a. MLP Act hnuaiah mi 697 man niin Case 697 Register a ni bawk. Hemi kaihhnawihah hian Two wheeler 3 leh LMV 1 Excise & Narcotics Department-te hmalakna in man a lo ni tawh bawk a ni.

He hunah hian Meeting hmasa a, thurel an bawhzui dante thlirho niin, hmalak zel dan turte an sawi hona neih a ni a. Pu Lalruatdika, Drugs Inspector CMO Office chuan damdawi zawrhna dawr hrang hrangte endik an nih dan sawiin, Meeting chuan  nidanga tih ngai loh, Drugs Inspector-in Damdawi zawrhna hmun leh zuartu te Inspection an neih dan Report Meeting-ah hian telh ve thin nise a ti bawk.