Pu R. Lalzirliana, Rural Development Minister hovin vawiin khan Aijal Club-ah Rural Development Officer hrang hrangten Best Success and Innovative Projects meeting an nei. He meeting-ah hian MGNREGA, BADP, IAY leh RD Scheme hrang hrangte District leh Block hrang hranga RD Scheme hnathawhte tarlanna BDO leh P.D ten an nei a ni.

Pu R. Lalzirliana chuan mipui hmuhtheiha kan hnathawhte tarlan a tul tiin kalkhawmte a fuih a, kan awmna hmun theuhah kan hnathawh kan chiang tur a ni tiin officer te a hrilh. Kan hnathawh that te chu phochhuah tam a pawimawh thu a sawiin Minister chuan BDO te chu tih takzet a an thawh a tul thu te, khawtlangin thawhpui nuam an tih ni theuh turin a fuih bawk. Rural Development Department chu mipui nena inhne reng kan nih avangin dik tak leh fimkhur taka kan thawh a ngai a ni Minister chuan a ti.

Vawiin meeting-ah BDO hrang hrang ten Best Innovative Practices hrang hrang an Block chhung a mi theuh powerpoint presentation hmangin an entir a. Meeting hi Pu Lalhmingthanga IAS, Secretary Rural Development in a kaihruai a ni.