Rural Development Minister, Pu R. Lalzirliana’n vawiin khan Lengpui kawtchhuah Chiahpui a kawngpui sir ah Chawhmeh Zawrhna Bazar ‘Rural Haat’ a hawng.
Hawnna Inkhawm tawi buatsaih hi AMFU Gen. Hqrs. President Pu R. Lalduhawman a kaihruaia, hunserh Lengpui Bialtu Pastor R. Ramnghinglovan a hmanga. Rural Development Minister, Pu R. Lalzirliana chuan thusawiin NABARD leh AMFU tangruala kuthnathawktu te tana thlai thar zawrhna Mizorama hmasaber Lengpui Airport leh Aizawl inkara hmun pawimawh taka an siam hi thil chhinchhiahtlak tak a ni a ti a. Helai hmun atang hian kut hnathawktu ten an kut hnathawh rah hmangin zin veivak State pawna chhuk tur leh haw lam te tan pawha manhla tak tur an phochhuak tur hi a lawmawm takzet a, helai hmuna thlai thar zuartute pawhin he Rural Haat hi a neitu inni tih hria a fai tak leh uluk tak a enkawl zel hi in mawhphurhna a ni a ti a. Chubakah State pawn atanga mikhual rawn zinte dawr leh hmuh hmasak in nih dawn avangin Mizo darthlalang inni tih hria a hawihhawm taka in lo dawnsawn pawh a tul a ni a ti.
He hawnna Inkhawm ah hian NABARD Gen. Manager Pu P.C Sahoo pawhin thusawiin kut hnathawktuten an thlai tharchhuah hlawk zawka an hralh theihna tur hmunhma buatsaihsak hi NABARD in a tum pakhat a ni a, hetiang tur hian hmun dangah pawh hmalak zel tum a ni a ti. AMFU te nen thawhhona tha tak an neih avangin lawmthu a sawi bawk.
Pu Zion Lalremruata, AMFU Gen. Hqrs.-a Gen. Secretary in Technical Report a pe a, he Rural Haat hi a dung-60ft, avang -12ft a ni a, Inchungah hian a vengtu awmna a dung - 15ft leh avang - 12ft siam a ni bawk a. He In sakna atan hian NABARD in cheng nuainga a tum a, AMFU in cheng sing sarih sangriat kan tum ve a ni a ti bawk. Lengpui VCP Pu K. Chawngdailova pawhin Lengpui mipui tana chhenfakawm tak thlai thar zawrhna NABARD leh AMFU in min siamsak hi kan lawm takzet a ni a ti. Pu Lalhlawhliana, Sr. Vice President, AMFU in lawmthu sawina hun a nei bawk.
Minister hi Pu Lalsiama Fambawl, IPRO leh Pu Henry Lalrawnkima, P.S. to Minister leh AMFU hruaituten an tawiawm a ni.
He hawnna Inkhawm ah hian NABARD Gen. Manager Pu P.C Sahoo pawhin thusawiin kut hnathawktuten an thlai tharchhuah hlawk zawka an hralh theihna tur hmunhma buatsaihsak hi NABARD in a tum pakhat a ni a, hetiang tur hian hmun dangah pawh hmalak zel tum a ni a ti. AMFU te nen thawhhona tha tak an neih avangin lawmthu a sawi bawk.
Pu Zion Lalremruata, AMFU Gen. Hqrs.-a Gen. Secretary in Technical Report a pe a, he Rural Haat hi a dung-60ft, avang -12ft a ni a, Inchungah hian a vengtu awmna a dung - 15ft leh avang - 12ft siam a ni bawk a. He In sakna atan hian NABARD in cheng nuainga a tum a, AMFU in cheng sing sarih sangriat kan tum ve a ni a ti bawk. Lengpui VCP Pu K. Chawngdailova pawhin Lengpui mipui tana chhenfakawm tak thlai thar zawrhna NABARD leh AMFU in min siamsak hi kan lawm takzet a ni a ti. Pu Lalhlawhliana, Sr. Vice President, AMFU in lawmthu sawina hun a nei bawk.
Minister hi Pu Lalsiama Fambawl, IPRO leh Pu Henry Lalrawnkima, P.S. to Minister leh AMFU hruaituten an tawiawm a ni.
Attachment
- Loading attachment...
