Rural Development, Information & Public Relations etc. Minister Pu Lalruatkima chuan State Institute of Rural Development & Panchayati Raj (SIRD & PR), Durtlang-ah Mizoram Civil Service Officers (2019 Batch) te’n Rural Development kalpui dan a bik taka zirna training vawiin khan a hawng a, training hi 20th March thleng awh tur a ni.

Minister Pu Lalruatkima chuan India ram zalenna sual chhuaktu ropui tak Sardar Vallabhbhai Patel chuan India hian Civil Service tha tak leh lehkhathiam hnathawk tur a neih loh chuan in enkawl a har tur thu a lo sawi tawh a, hei hian Civil Service pawimawhna a sawi chiang hle a ni, tiin a sawi a. Mizoram ah ngei pawh State Civil Service te hian State hmasawnna leh hmalam hun atan pawimawhna nasa tak an nei tih hre thar leh turin a ngen a. An thiamna leh he dinhmun thleng tura an kawng zawh chu thil awlsam a ni lova, mi bik an nih zia tarlanna nia a hriatthu a sawi bawk a ni. Legislators te chuan Policy leh Sawrkar kaldan tur tul angte an duang a, chu Dan leh hmachhawp duansa chu Executive te bawhzui tur a ni a, Legislators te an pawimawh em em rual hian executive officer tha tak tak te pawhin Sawrkar chak leh chak lo neihna kawngah hian mawhphurhna sang tak an nei a ni, a ti a.

Minister chuan Conduct Rules leh sawrkar hnathawk kaihhruaina dan hrang hrangin a sawi zawm tlat tur te, Public Servant an nihna anga mipui tan harsatna siamtu ni lova, mite tana malsawmna nih tum tur te, mipui rinngam leh nungchang pawh uluk turin a ngen bawk a. Sawrkar tana theihtawp chhuah leh rinawm taka thawk turin MCS Officer training te chu a chah a ni. State Service bakah Central Service thleng pawha beidawng lo a, tumruhna nen ram tana exam chhunzawm zel turin a chah bawk a ni.

He hun hi SIRD & PR Director Pu Lalhmunsanga Hnamte chuan a kaihruai a, Senior Core Faculty (RD) Dr. Margaret Lalbiakthangi chuan Training Course report a pe a, ATI Joint Director Pi Angela Zothanpuii pawhin Mizoram State Civil Services Foundation Course chungchang te sawiin, fuihna thu tawi a sawi bawk a. Senior Core Faculty (Agri) chuan lawmthu sawiin he hun hi a khar a ni.

Attachment

  • Loading attachment...