No.6764/2020-2021

Mamit 4th December, 2020 :  Vawiin khan Rashtriya Uchchatar Shiksha Abhiyan (RUSA) Govt Mamit College Board of Governors chu an Chairman, Dr. Lalrozama, IAS District Bawrhsap hovin thutkhawm a ni.

Chairman Dr Lalrozama chuan Mamit College-in  RUSA kaltlanga hmasawnna a hmuhte chu lawmawm a tih thu a sawi a, Zirlaite leh thawktute pawh Model Degree College-a hlankai a nih theihnana cheng tamtak senga hmasawnna hna thawhte chu chhawr tangkai thiam turin a chah a, zirna chu vantlanga mi pawimawh leh chhawrtlak chherchhuaktu pawimawh ber a nih avangin beidawng lova thahnem ngai leh taima taka thawk zel turin thawktute a chah. 

Rastriya Uchchatar Abhiyan ( RUSA) hi Central Govt. Ministry of Education hnuaia India ram State University leh Govt. College te'n kawng tin renga hma an sawn theihna tura Mission a ni a. Tunah hian RUSA 2.0 kalpui mek niin Components 6 hnuaiah Degree College awmsa Model Degree College a hlankai a nih theihna turin Govt. Mamit College chu Model Degree College ni tura hmalak mek a ni a. Hemi atan hian tanpuina Rs. 4 Crore ruahman a ni.

Dr Joseph C. Lalremruata, Asst Co-ordinator, RUSA chuan Power Presentation pe-in RUSA hnuaiah hian Govt. Mamit College-ah 1. Library cum Seminar Hall (395.18 sq. m) Rs 160 lakhs 2. Classroom Building (482 sq.m) Rs 153 lakhs 3. Boundary Wall ( 52 mtr) Rs. 7 lakhs man te thawh zawh tawh a ni a, Bungraw thar leh thil tul dang lei nana hman tur 80 lakhs erawh hi la dawn loh a nih thu tarlan a ni. 

RUSA Guide Lines-in a sawi angin Central, State leh Institutional Level-ah thuneitu inkhaichhawn diat hrang hrang a awm a. College Level-ah chuan Board of Governors ( BOG) leh Project Monitoring Unit  te awmin Committee sang zawk BOG-ah hian DC chu Chairman niin College Principal chu Vice Chairman a ni a. Member-ah hian Sub Hqrs YMA, MHIP leh College atang aiawh in ruat an ni a. Member Secretary-ah hian RUSA Co-ordinator a ni bawk.

Vawiin meeting-ah hian Committee members te an tel tha hle a ni.