April ni 16, 2009 a Mizorama M.P. (Lok Sabha) inthlanna kan neih tur chungchang ngaihtuahin vawiin chawhnu dar 1 khan District Election Officer leh DC ni bawk Pu Rodney Lalrinawma hovin ama Office chamber-ah District Level Standing Committee an thukhawm a, MP inthlanna tura inbuatsaih dan tur kawng hrang hrangte an thlir ho.
Tun dinhmunah chuan 39-Saiha (ST) Assembly Constituency ah Polling Station 40 leh Electors 16,690 an awm a, 40-Palak (ST) Assembly Constituency ah Polling Station 40 leh Electors 15,581 an awm mek a ni. District puma EPIC nei tawh zawng zawng chu 92.74% an ni bawk.
Electronic Voting Machine (EVM) chungchanga inzirtirna pawh neih zawh tawh a ni a, Election Officials te pawhin Polling Station an tlawh chhuak vek tawh bawk. Tun inthlanah hian EVM 99 hman tura ruahman a ni a, heng khawlte hi ECIL Engineer ten an check tha vek tawh bawk.
Polling Officials te tana training chu 39-Saiha tan ni 2 & 7 April, 2009-ah buatsaih a ni anga, 40-Palak tan ni 4 & 9 April, 2009 ah neih a ni thung ang. MP inthlanna a Saiha District tana Election Observer tur chu Pu Sheeldhar Singh Yadav a ni dawn a, Circuit House ah innghatin a telephone number chu (03835) 225060 a ni ang. Inkalpawhna kawng tha lo zual lai te sawiho niin a theih anga siamthat dan turte an relho bawk.
Committee ah hian Election Officials bakah Department kaihhnawih officer te, Political Party/NGO aiawh te leh MJA te an tel a, inthlanna felfai taka neih a nih theih nan Model Code of Conduct zawm tlan a pawimawh thute an sawiho bawk a ni. MP inthlanna neih turah hian venhimna lam thawk turin Saiha Police te bakah MAP atangin 150 leh CRPF atangin mi 40 lo kal tura beisei an ni.
Electronic Voting Machine (EVM) chungchanga inzirtirna pawh neih zawh tawh a ni a, Election Officials te pawhin Polling Station an tlawh chhuak vek tawh bawk. Tun inthlanah hian EVM 99 hman tura ruahman a ni a, heng khawlte hi ECIL Engineer ten an check tha vek tawh bawk.
Polling Officials te tana training chu 39-Saiha tan ni 2 & 7 April, 2009-ah buatsaih a ni anga, 40-Palak tan ni 4 & 9 April, 2009 ah neih a ni thung ang. MP inthlanna a Saiha District tana Election Observer tur chu Pu Sheeldhar Singh Yadav a ni dawn a, Circuit House ah innghatin a telephone number chu (03835) 225060 a ni ang. Inkalpawhna kawng tha lo zual lai te sawiho niin a theih anga siamthat dan turte an relho bawk.
Committee ah hian Election Officials bakah Department kaihhnawih officer te, Political Party/NGO aiawh te leh MJA te an tel a, inthlanna felfai taka neih a nih theih nan Model Code of Conduct zawm tlan a pawimawh thute an sawiho bawk a ni. MP inthlanna neih turah hian venhimna lam thawk turin Saiha Police te bakah MAP atangin 150 leh CRPF atangin mi 40 lo kal tura beisei an ni.
