Vawiin khan Saiha ah Insak tanpuina sem a ni. Inkhawm hi Pu Vanlalngena, Additional D.C. Saiha chuan a kaihruaia, Pu S.Hiato, Minister i/c PHE etc chuan Khuallian niin he hun hi a hmanpui ani.

District Bawrhsap Pu Alok Swarup, IAS, chuan thu tawi sawiin he Scheme hi sawrkar laipuiin mirethei chenna In leh Lo neilo ten chenna an neih theih nan a duan a nih thu a sawi a, Pu H.V.L. Zarzoenga, Project Director, SJSRY, UD&PA chuan sawi hawnna leh hmasawnna report tawi a pek hnu ah Khuallian Pu S.Hiato chuan thu sawiin khawpui a cheng mirethei chenna In neilo engemaw zat kan awm thu leh hengte dinhmun hi sawrkar in a ngaihtuah a heng dinhmuna cheng te tan hian sawrkar chuan Saiha khawpui chhung ah In 200 lai mai sak sak a tum a ni tiin Kristian ram kan nih angin tlawmngaipawl hrang hrang te pawh chenna in leh lo neilo te tan an thawh hlawk hle a ni, a ti bawk. Sawrkar chuan tumah thliarbik neilovin Scheme hrang hrang hmangin mirethei te chenna In tur a sak sak thin a ni tiin mipuite chu sawrkarah ringawt innghat lova hmasawnna kawngah theihtawp chhuaha tanla turin a chah bawk a ni. Saiha District chhung hmasawnna kawng hrang hrang te pawh Minister chuan tarlangin sawrkar hi kan belh thiam phawt chuan mipuite tan malsawmna a ni, a ti bawk. Sawrkar in a thlawna a thilpekte hman tangkai kawngah rinawmna leh taimakna hi a pawimawh a ni, a ti a, kan tihtur tha taka hlen chhuah hi kan bat ani tiin sawrkar hmalakna kawng hrang hrang ah mipuite tawiawmna a pawimawh thu a sawi bawk. Khuallian chuan Saiha khawpui chhunga IHSDP dawngtu mi 92 hnenah Work Order hi a sem zui nghal a ni.

He hunah hian Pu RT Zachono, CEM/MADC pawhin thu sawina neiin India ram hmasawn chak zia sawiin mirethei leh hausate inkar pawh a zim sawt hle a ni a ti a, rilru thianghlim tak pu a malsawmna kan dawnte a nihna ang tak a hmang theuh turin kalkhawm te chu a chah a ni.

Programme karlakah zaithiam zai te ngaihthlak a ni a, Pu B.Lalchhawntluanga, DPO, SJSRY, Saiha chuan lawmthu sawina neiin he programme hi a khar a ni.