Vawiin chawhma dar 10:30 khan District Agriculture Office Saiha-ah Saiha Circle leh Niawhtlang Circle hnuaia NLUP, hnuaia WRC-I leh WRC-II Trade thlangtute hnenah pawisa sem a ni.

He NLUP semna inkhawm tawi hi Pu Lalsanglura Sailo, District Agriculture Officer chuan a kaihruaia, sawihawnna neiin sawrkar Scheme tha tak mai mirethei te khaichhuahna tur N.L.U.P. Scheme ang hi India ram khawi State- ah mah a awmlo a ni tiin; a tih hlawhtlin tumtu ni turin NLUP dawngtu te chu a chah a ni.

Khuallian Pu N.Chakhai, Additional Deputy Commissioner, Saiha District, Saiha chuan thu sawiin sawrkar thatna zarzo turin kan lo kalkhawm a.Hetiang NLUP Scheme ang hi khawvelah hian a awmlo a ni ati a, taima taka hna thawk tur kan ni tiin; intodelh tura theihtawp chhuaha hma kan lak theuh a tul tak zet a ni, ati bawk. Phai lam atanga thlai kan lakluh te pawh kan ramah a chin ve theih thu a sawi a, rilru nei taka kan sum dawn te pawh hmang tur leh sawrkar in ruahmanna a siam ang taka pawisa in hman chuan in hlawhtling ang ati bawk. Pathian malsawmna dawng tlaka taima, rinawm leh chhel taka hna thawk turin NLUP Beneficieries te chu a chah a. NLUP hnuaiaWRC -II thlang mi sawm Tuipui Ferry-2, Maubawk-1, Saihatlangkawn- 5 Niawhtlang-1 leh Tuisumpui-1 te hnenah Khuallian chuan NLUP pawisa hi a sem nghal a ni.

Technical Staff Pu Lalduhawma D.P.D.-II chuan NLUP chungchang “Soil Heath Management” tih thupui hmangin NLUP Beneficieries te hnenah hian thu a sawi a, NLUP hi 1st Phase ah mi-220, 2nd Phase ah mi 207 3rd Phase ah mi 114 leh 4th Phase ah mi 27 te hnenah Agriculture Department chuan a pek tawh thu a sawi bawk. Vawiinah hian Agriculture Department chuan NLUP Beneficieries WRC-I thlangtu mi 6 hnenah Rs 9,000/- theuh leh WRC-II thlangtu mi 46 hnenah Rs 8,000/- theuh NLUP tanpuina pawisa hi an sem a ni.