Vawiin chawhma dar 11 : 30 khan DC’s Conference Room Saiha-ah Teacher Day vawi-50 na “Golden Jubilee” hman dan tur ngaihtuah in meeting neih a ni.

He Meeting Pu Thangchem Zathang, Additional D.C. Saiha District, Saiha kaihhruai-ah hian Teachers Day Golden Jubilee chu a ropui thei ang ber leh urhsun thei ang berin School hrang hrang ten an mahni School theuhah a remchan dan angin hman nise tih rel a ni a. He Ni lawmna denchhen hian Car Flag, Key Chain leh Ballpen te chu zawrh chhuah tur a ni a, hengte lo leisak tur hian mitinte an ngen a ni. Token Flag erawh chu a thlawn a sem chhuah tur a ni. Saiha khawpui chhunga School thlanchhuah bik 16 ah te Teachers Day hmanpui tur hian District chhung Officer te leh Tlawmngaipawl hruaitu te, MADC lam hotute ruat an ni. He Ni hmanna-ah hian Saiha District chhunga National Awardee te pawh Khuallian atan sawm tum an ni bawk. He meeting ah hian Department hotu te, M.A.D.C. lam hotu te, Zirtirtute leh Tlawmngaipawl hrang hrang hruaitute an tel a ni.