Vawiin chawhma dar 10 : 00 khan I&PR Conference Hall, Saiha-ah Health  Minister Pu Lal Thanzara chuan Saiha District chhunga Health Worker te leh ASHA te meeting a neihpui.

He hun hi Pu H.T. Phosa, Chief Medical Officer, Saiha District  chuan a kaihruai a, Pu Lal Thanzara, Health Minister chuan thu sawiin damdawi lama thiamna neilo Health  Department enkawl tura Pathian in a ruat chu lawmawm a tih thu sawiin; Pathian rawn chungin Health Dept. hi theitawp chhuahin enkawl mek thu a sawi. Saiha District-a IMR( Infant Mortality rate) sang lutuk  tihniam tur hian  sawrkar pawhin theitawp chhuahin kawng hrang hrangin hma a la mek reng  a ni, a ti. Tunah hian Mizoram District te zingah,Aizawl leh Lunglei tiamlo chuan Saiha District hian Doctor a neih tha ber mek a ni, a ti a.  NGO hrang hrang hruaitu te, MADC hotute leh Health Dept Staff te nena inkawm hona tul a tihna chhan pawh, IMR leh MMR tihniam tur  hian Health Dept chauh chuan hma ka sawn chak lo lutuk a, Saiha Mipuite leh Health Deptt. te kan thawhhona tha tak hi i  chhunzawm zel ang u, tiin ka sawm duh che u a, thawhhona tha tak nena theihtawp kan chhuah chuan kan I.M.R. rate pawh hi kan tihniam thei a ni, a ti . IMR leh MMR tihhniam nan thil tul leh hmanrua mamawhte pawh sawrkarin a theih ang angin a ngaihtuah zel tur thu a sawi bawk.

Doctor leh Nurse te pawh uluk taka a kawm tawh thu sawiin; Doctor leh Nurse te chu mihring ve mai,  chauh chang neih ve thin ni mahse, midang te tana malsawmna ni thin an nih hre reng a,Missionary rilru pu-a an hna thawk hram hram turin a chah hlawm a. Thil hote-ah Deptt. pumpui hi hming chhe thei reng a ni avangin, Doctor leh Nurse te chu damlo enkawl kawngah thinnel tak pu tur leh tawngkam thladah lo turin a ngen  bawk a ni. 

He meeting-ah hian Pu S. Hiato, President MDCC(I) te, MADC, CEM incharge Pu N.Zakhai te, M.CH.P (Mara hmeichhe pawl) aiawh te, MSO aiawh te, Health worker aiawh te leh ASHA aiawh ten thusawina hun an hmang a, Minister hnenah an harsatna leh thurawn hrang hrangte an thlen bawk a ni. He programme zawh-ah hian Saiha Press Club tlawhin,   MJA, Saiha District  ten ngaituah sak tura an ngen Computer set leh Printer chu pek an nih tur thu a hrilh a, kar hmasaa Niawhtlang khuaa Pa eisual avanga thi ta te nupa  Zohmangaiha (L) leh Chungnungi (L) ralna  Rs.3000/- chu MJA ho ten an lo pek sak atan an kutah a dah nghal bawk a ni.

Attachment

  • Loading attachment...