Vawiin chawhma dar 10 : 30 A.M. khan kumin Mizoram State Assembly inthlan lo awm tura Saiha District chhunga Election buaipuitu tur Presiding Officer te tan D.C’s Conference Room, Saiha-ah Pu John LT. Sanga, Addl. DC & ARO nih bawk kaihruaina hnuaia Training neih a ni. He training hi Pu Alok Swarup IAS, DC & RO Saiha chuan hawnna hun hmangin Presiding Officer te chu mawhphurhna sang tak nei an ni tih inhria a, Inthlanna thianghlim leh felfai tak kan neih theih nan dik tak leh rinawm taka thawk turin a chah a, Saiha District chu Remote area a awm kan nih avangin inkalpawhna leh inbiak pawhna te pawh a tha tawklo thei a, Presiding Officer ten mawhphurhna sang tak an nei a ni, a ti.

He training-ah hian Pu VL. Hruaizela, PD, DRDA, Saiha pawhin ‘ Preparedness for Conduct of Polls’ tih thupui hmangin training a pe a, ‘ Preparation of EVM’ tih thupui hmangin Pu H. Ramhluna leh Pu FC. Lalrinawma te chuan zirtirna hun an pe bawk. Chawhnu lamah Pu FC. Lalrinawma chuan ‘ SMS Syntex’ chungchang zirtirna a pe nghal bawk.

He training-ah hian Saiha District chhunga Poling Station 73 viltu tur Presiding Officer 92 an tel a ni. Presiding Officer te tana training hi dt.18.11.2013- Thawhtanni hian chhunzawm leh a ni ang.

Attachment

  • Loading attachment...