Vawiin chhun dar 12 khan a vawikhatna atan Saiha District NLUP Monitoring Committee member te chu DC’s Conference Hall, Saiha-ah an thu khawm a. He meeting hi Pu H. Zothangliana, Parliamentary Secretary leh Saih District NLUP Monitoring Committee Chairman ni bawk chuan a kaihruai a ni.

He meeting ah hian NLUP Line Department pasarih (7) Agriculture, Soil & Water Conservation, Sericulture, Horticulture, Vety, Fisheries leh Industry ten NLUP hnuaia an hmalak tawhna leh Monitoring hna an kalpui dan tlangpui Power Point Presentation hmangin an entir a. Saiha District chhunga Line Department pasarih te hnuaia Beneficiaries awm zat chu hetiang hi a ni : -

1.    Vety Department-ah 767 Beneficiaries awmin pawisa Rs. 178.6 lakhs an hmuh atangin 1st Instalment ah Rs. 142.2 lakh pekchhuah tawh a ni.

2.    Agriculture Department-ah Beneficiaries 246 an awm a, pawisa Rs, 79.10 lakhs an hmuh atangin Rs. 57.77 lakhs 1st Instalment ah an pe chhuak tawh bawk.

3.    Horticulture Department-ah  Beneficiaries 744 awm in 1st Instalment ah Rs. 148.8 lakhs an pe chhuak a, 2nd Instalment atan Rs. 80 lakhs an dawn tawh thu an tarlang.

4.    Soil & Water Conservation Department-ah Beneficiaries 142 hnenah 1st Instalment Rs. 28.4 lakhs an pek chhuah tawh thu an report bawk.

5.    Fisheries Department-ah Beneficiaries 65 an awm a, 1st Instalment Rs. 15.5 lakh semchhuah tawh a ni.

6.    Industry Department-ah Beneficiaries 255 an awm a, 1st Instalment  Rs. 47.54 lakhs Beneficiaries 234 hnenah sem tawh a ni.

7.    Sericulture Department-ah Beneficiaries 43 awm in, 1st leh 2nd Instalment pek tawh niin Rs. 19.32 lakhs an sem chhuak tawh a, Beneficiaries pakhat hnenah 2nd Instalment pek a la ni lo.

Pu H. Zothangliana chuan Line Department te report hrang hrang leh power point presentation te a en hnuah NLUP Line Department te hmalakna leh Monitoritin hna an kalpui dan te chu tha thawkhat hle a a hriat thu sawiin, tan erawh la zual sauh turin Line Department leh Monitoring Committee member te chu a chah a, Line Department te pawhin Monitoring hna an thawhna a harsatna an tawh hrang hrang te pawh sawi chhuakin State Level NLUP Board ah pawh an harsatna leh thusawi te chu thlen sak turin an ngen bawk a ni. He meeting ah hian NLUP Monitoring Committee Member te an tel kim hle a ni.