Vawiin chawhma dar 11 khan Pu Kunal, IAS, Deputy Commissioner, Saiha District Office chamber-ah Saiha District chhunga Rastriya Madhiymik Shiksha Abhiyan (RMSA) hmalakna leh hmasawn dan te thlirhona meeting neih a ni.

He meeting Pu Kunal IAS kaihhruaiah hian Pu V. Lalhmingliana, DEO, Saiha District chuan power point presentation hmangin RMSA hmalakna te a entir a. Saiha District ah hian High School building thar pahnih leh building hlui pasarih sak that mek a ni. High School thar building sak mekte hi Chapui High School leh Kawlchaw ‘E’ High School te an ni a. Govt. High School hlui sak that mek te chu heng -  Chakhang, Saiha, Tuipang, Tongkolong, Zawngling, Maubawk leh Serkawr te an ni.

High School thar building pahnihte hi hna zawng zawng za a sawmkua (90%) ve ve sak zawh tawh an ni a, school building hlui sak that mekte rawh chu hma an sawn lo hle. An zinga an sak chak ber Govt. H/S Chakhei building chu 70% zawh tawh niin, Govt. H/S Saiha leh Tuipang building te chu 15% leh 20% te chauh an la sa a ni. Hetih lai hian Govt. H/S Saiha leh Tuipang sak nan hian Estimated amount Rs. 32, 25,000/- ve ve atangin Rs. 16,87,742/- leh Rs. 7,87,742/- an lo la chhuak tawh a ni.

He meeting ah hian Bawrhsap Pu Kunal chuan School Management & Development Committee (SMDC) te chu tanla lehzual sauh a, design ang thlapa school building te chu sak a nih leh nih loh te vil ngun turin a chah a. School building sak mek that leh that loh ah mawhphurhna sang tak an nei a ni tih hre reng turin a chah bawk.

Bawrhsap Pu Kunal chuan SMDC member te chu school sak mekte chanchin karhnih chhung an zirchian lehzual hnuah meeting an neih leh tur thu a sawi bawk.