Vawiin chawhma dar 11:00 a.m. khan DCs’ Conference Hall, Saiha -ah Saiha District Vigilance and Monitoring Committee member ten meeting an nei.

He SDVMC Meeting hi District Vigilance and Monitoring Committee Chairman Pu C.L. Ruala Hon’ble M.P.-(Lok Sabha) leh Co-Chairman Pu Lalhmingliana Hon’ble M.P. (Rajya Sabha) ten an kaihruai a, Meeting ah hian Centrally Sponsore Scheme (CSS) khawih department hrang hrang ten Kum 2012-2013 Last Quarter-a an hmalakna hrang hrang te Committee hma ah sawiin, an harsatna tawh hrang hrang te bakah an hmachhawp mek te pawh zau taka sawiho a ni.

Pu N.Chakhai, Project Director, D.R.D.A. chuan MGNREGS hnuaia ni 100 inhlawhna-a Saiha District in ni 88 chauh an inhlawh theih chhan sawifiah in thingtlang khaw then khat Village Module zawh hman loh vang a ni, a ti a, tun dinhmunah Saiha District ah Job-Card Holder mi 13287 an awm mek thu report a pe bawk.

District Social Welfare Officer pawh in report pe in tunah hian Indira Gandhi National Old Age Pension Scheme (IGNOAPS) hnuaiah tanpuina dawng mi 1302 an awm thu leh hmeithai tanpuina (IGNWPS) hnuaiah mi 75 an awm bakah pianphunga rual banlo tanpuina (IGNDPS) hnuaiah mi 34 ten thiatin Rs 200/- an dawn thu tarlan a ni.

He SDVMC meeting ah hian RGGVY Scheme hnuaia thingtlang khua-a engchhit hna thawktu T&T Project Ltd. te Contractor pawh tel ve in an hnathawh 50 % an zawh tawh thu leh hmanrua leh sum mamawfa zat an hmuh loh avanga an harsatna tawh te Committee hnenah hian a thlen nghal a ni.

PHE Department pawh in report pe in tunah hian Saiha WATS AN Division hnuaiah khaw 16 Tui lakna Scheme siam zawh tawh niin Scheme lian 5 thawhmek anih thu a sawi bawk.

E.E. PWD pawhin PMGSV hnuaia thingtlang khua inkalpawhna kawng Project 9 zinga 7 an zawh tawh thu report a pe a, NLCPR hnuaia Lungtian - Mamte Road KM 16 a thui pawh zawh anih tawh thu a report nghal a ni.

He Meeting ah hian Pu PP Thawla, M.L.A., leh Pu RT Zachono,CEM, MADC tc, Chan chin bu mi te leh sawmbikte an tel kim hle a ni.