No.1018/2021-2022 

Siaha, June 17 :  Siaha-ah Covid-19 kai eng emaw zat hmun an ni a, hnuchhui hna rang taka kalpuiin, test pawh tih zung zung a ni. Test result atanga a lan danin hri kai thar an awm belh zel a, khaw chhungah a darh zau hle tawh tih hriat a ni. Chief Medical Officer, Siaha chuan uluk takin an dinhmun hi zir chiang a, hri darh zel tur dan chah nan Saikao chu Containment Zone a puan mai a tul ta a ni.

Chuvangin, Shri Kesavan R, IAS, Deputy Commissioner & Chairman, Siaha District Disaster Management Authority nibawk chuan The Mazoram Epidemic Diseases (Covid-19) (First Amendment) Regulations, 2020  11(I)(b) tlawhchhanin Saikao (Lorrain Ville huam telin) chu Containment Zone-ah a puang.

Khaw dang atanga kalpawh khap tlat a ni a, khawchhung mite pawh zin chhuah leh in tlawhpawh phal a ni lo. Khaw puma inkharkhip tur niin, dawr zawng zawng pawh khar vek tur a ni. Saikao paltlanga zin turte erawh chu ding muang lova lirthei hmanga tlan tlang phal a ni.

Containment Zone chhungah hian Medical Duty, Security Duty te, dan kengkawhtute leh Deputy Commissioner emaw a aiawhin emaw phalna a pekte chauh lo chu luh leh chhuah phal a ni lo.

He thupek hian vawiin June 17, 2021 (Ningani) atanga thu leh awm hma chu a huam ang.