Compensatory Afforestation Fund Management and Planning Authority (State CAMPA) bultumin Association for Environmental Preservation (ASEP) chuan nimin ni 23, January 2014 khan Sailam ah Environmental Awareness Campaign a nei a. Ramngaw leh nungcha humhalh leh kangmei ven chungchangah inzirtirnan hun hman a ni.

He Awareness Campaign, ASEP President K. Lalmuansanga kaihhruai hi Mary Winchester (Zoluti) inpuiah khawtlang hruaitute nen hman a ni a. Sailam VCP Lalrithanga chuan thusawiin, an khaw mi leh sa te mai an chhehvela khuate pawhin ramngaw leh nungcha humhalh pui tur a a duh thu a sawi ve bawk. Hemi hunah hian Lunglei NLUP Co-ordinator Zathangliana pawh lo telin, Sailam khaw chhuak a nihna angin ASEP hmalakna chu lawmawm a tih thute leh Sailam khua in ramngaw humhalh tlak tha deuh an la neih chu a awm ang anga humhalh tlat turin a ngen bawk.

Function zawh ah hian khaw chhehvel ngawte a huhova fanna hun hman leh a ni a. Ngaw chhunga mi tuten emaw thang an lo kamte pawh a theih chen chen tihchhiat nghal a ni.

ASEP chuan Sailam khua-in ramngaw tha tak an la nei chu lawmawm a tih thu leh humhalh puitu ni theuh tura a chhehvel khuate leh Zoram mipuite pawh a ngen thu a tarlang a ni.