No.1368/2021-2022

Aizawl 13th July 2021: Aizawl DC chuan Sairang Dawr Veng hmun thenkhat Containment Zone/Area-ah puan a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chuvangin, Section-34(b)(c) of the Disaster Management Act, 2005 behchhanin Sairang (Dawr Veng) hmun thenkhat chu Containment Zone/Area-ah puan a lo ni tawh a. Chief Medical Officer, Aizawl West in a zirchianna leh a tul anga hma a lak hnuin Sairang (Dawr Veng) hmun thenkhatah hri kai thar an awm belh zel avangin hmun thenkhat Containment Zone/Area-a puan a rawn rawt a. He rawtna ang hian a hnuaia Sairang (Dawr Veng) hmun tarlante hi ni 13.07.2021 (Thawhlehni) Zing dar 10:00 atangin Containment Zone/ Area-ah puan a ni.

SAIRANG (Dawr Veng) Containment Zone puan belhna :
Sairang Dawr Veng :
a) National highway kawng chhak lam, Pu Lalbeiseia in atanga Kurung lei thleng. Medical Staff Quarters tel lovin. (12 households)
b) Field pan na kawng thlang lam Dak luikawr atanga Pu C. Laltanpuia in chin thlang lam zawng, Post Office tel lovin. (28 Households)
(Total Number of Household contained – 40)

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.