4678/2024-2025

Dated the 18th March, 2025 :.Parliament Budget Session neih mekah  Indian Railway hnathawh sawiho naah nimin Thawhtan ni khan Rajya Sabha MP Pu K.Vanlalvena chuan thu a sawi a, Bairabi to Sairang Rel kawng siam mek chu kumin July thlaah zawh fel theih a ni tawh dawn tih Dy Chief Engineer, Railway-in amah a hrilh tih Parliament House a hriat tir.

Bairabi to Sairang Rel kawng siam mek chu KM 51.38 a thui a nih thu sawiin Rel Station pali Hortoki, Kawnpui, Mualkhang leh Sairang Sihhmui te a nih thu a sawi a. Leiverh (underground tunnel) 32, lei tan (cut and covered tunnel)15, lei lian tham (major bridge) 55, lei tenau (minor bridge) 89, leh kawngpui chunga lei dawh 5, kawngpui hnuaia lei dawh 4 an awm thu sawiin hna thawh tur zawng zawng 95% thawh zawh a nih tawh thu te a sawi bawk a.He hna thawh zawhna tura Railway Ministry in sum a dah Rs 8215/- crores atangin Rs 7714/- crores hman ral a nih tawh thu Pu Vena chuan House a hrilh bawk a ni.

Bairabi to Sairang Rel kawng siam mekah hian lei sang zual bik 6 a awm thu leh lei ban sang ber chu metre 114 a sang a nih thu a sawi a.Leilung ngheh tawk loh vangte,ruahtui tam vang te,kawr thuk tak tak te avangin hna thawhna hun a tlem thu sawiin hetiang harsatna kara  tluang taka he hna zawh a nih theih tawh dawn avangin Union Railway chungah lawm thu a sawi bawk a ni.

He Sairang Rel kawng hawnna programme hi  neih a nih huna Aizawla lokal vek turin Pu Vena chuan MP dang zawng zawngte chu a sawm nghal bawk a ni.