2923/2023-2024

Dated Saitual the 3rd December 2023: Vawiin chawhma khan Saitual DC Office-Conference room ah Saitual District, 8-Chalfilh, 9-Tawi leh 21-Lengteng biala vote tla te chhiar tura ruat Counting Official-te thliarfel tumhnihna ( Second Randomisation) neih a ni.

Vawiin a 2nd Randomization neih tak ah hian Saitual DC Dr Lalngura Tlau leh Assembly Constituency pathum a General Observer te leh bial pathum a RO leh ARO theuh te an tel a ni.

2nd randomisation-ah hian Counting Official-ten an chhiar tur MLA bial (Assembly Constituency) leh dawhkan khata an thut pui tur (team) te tihchian a ni a. 3rd Randomisation chu naktuk vote chhiar ni, ni 4.12.2023 zing dar 5 ah neih a ni anga, chutah chuan an dawhkan tur tihchian a ni ang. Randomisation neih hnu hian Observer te hian Counting Hall te inspection an nei nghal bawk.