1219/2023-2024

Dated Saitual the 21st July 2023: Vawiin khan Saitual District Level Media Certification & Monitoring Committee (MCMC) chu District Election Officer Dr.Lalngura Tlau hovin a office chamber-ah an thukhawm a. Mizoram Legislative Assembly Inthlanpui, 2023 atana advertisement rate hman tur chungchang leh thil pawimawh hrang hrang sawiho a ni.

Chairman Dr. Lalngura Tlau chuan Kumin MLA General Election lo awm tur atan print & electronic media-a advertisement rate felfai tak siam a tul tih a sawi a, print media-ah chuan sawrkar rate ding lai a awm a, electronic media-ah sawrkarin rate hranpa a siam loh avangin Cable Operator-te nen inrawn tlanga man bituk siam a tul a ni, a ti. District Election Officer chuan Election Commission of India (ECI)-in inthlanpuiah candidate-te'n sum an hman theih zat bituk a siam thin tih sawiin, party tin ten media lama an senso chhut nan media atana an hman man chu lo endik pawh a pawimawh hle a ni, a ti.

He thutkhawmah hian Election Officer, DIPRO, MPF aiawh leh Saituala Cable TV leh chanchinbumi aiawhte an tel a. Cable TV-a advertisement chi hrang hrang - video, scroll leh sponsorship atana man bi hman tur an tuk bakah, media kal tlanga inthlan kaihhnawih puanzar chungchang felfai leh thianghlim taka kalpui a nih theih dan tur sawiho a ni.