3651/2023-2024

Dated Saitual the 5th February 2024 : Tukin zing dar 7 khan District Level Fire Prevention Week- Kangmei Vennna Hapta chu Saitual DC Bungalow tualah hman a ni a, Addl DC Pu Lallawmawma chu khuallian niin he Kangmei Venna Hapta hi hawnna a nei nghal bawk.

Khuallian, Addl DC, Pu Lallawmawma chuan Kangmei Venna Hapta thupui atan thlan "Thapui thawha kangmei ven" tih chuan a funkim thawkhat hle thu sawiin, hemi bawhzui tura mitinten thapui thawha hmalak chu a tul thu a sawi a. Vilage Level Committee on Fire Prevention te khaw hrang hrang ah a hma lama lo hal ní te in tuk nise, hmun hma hla deuhte leh enpui ngai te in enpui nise, khaw dinhmun a inanglo ang hian insawr bing ?ul bikna deuh khuate ngaihtuah tlan nise, District mipuiten thapui thawha Kangmei chhuaklo tura theihtawp chhuah tlang turin a chah bawk a ni.

He hun hi Pu Ramchhuanmawia, President, Saitual District VC Association chuan kaihruaiin Pu LalnunpuiaSupdt,DC Office chuan hunserh a hmang a. He programme ah hian kalkhawmten Oath Taking(Thutiam)an la nghala ni.

Pu PC Lianzuala, Assistant Conservator Of Forest(ACF), member secretary chuan report pein Fire Prevention week hman dan tur chungchangte, lo hal ni bituk chungchangte, Prohibitory order chhuah chungchangte, ramkang ven hnathawk tha khua thlan chungchangte , awareness campaign neih chungchangte leh sub-committee din chungchangte a tarlang.

Saitual Town Jt VC President Pu Smith Lalruatfela pawh in thu sawiin kangmei chhuak tam ber hi lo hal atanga chhuak a nih thin thu te ,District Level Committee on Fire Prevention Week in ruahmanna an siam chu VC ten an area theuha khawng taka kenkawh tlan a tul thu a sawi.

Pu C Lalkima,President, YMA Saitual Sub-Hqtrs chuan tun thal lo thawk tur ah kangmei chhuak lo tura keimahni leh kan tu leh fa,kan chhungte leh naupang thlenga kangmei tichhuak lo tura inzirtirna thar a tul thu leh a nghawng thalo tuartu chu anmahni vek an nih thu a sawi bawk.

Tukin zinga Saitual a Kangmei Venna Hapta ahhian sawrkar Department aiawhte leh Khawtlang leh NGO hruaitute an tel tha hle. Hawnna inkhawm program hi Pu Lalnunthanga, RO,Saitual Forest Range chuan kalkhawmte hnenah lawmthusawina a neih hnu in tihtawp a ni.