1281/2023-2024

Dated Saitual the 27th July 2023: Nimin khan Saitual DC Conference Hall-ah Deputy Commissioner charge la Dr.Lalngura Tlau hovin Saituala Independence Day 2023 hman dan tur rel a ni.

Chairman Dr. Lalngura Tlau chuan member kal khawmte lawmna thu sawiin, Saitual District chu District thar hmasawn chak tak a ni, a ti a. India ram in zalenna a hmuh champha hi sawrkar laipuiin a ngai pawimawh hle a, he ni hi India mipui zawng zawng te tan ni pawimawh tak anih angina ropui taka lawm a phu a ni, a ti.

Chairman in thu kamkeuna a sawi zawh hian Kum 2023-a Independence Day hman dan tur sawi ho niin, Meeting chuan kumin Independence Day lawmna Keifang Centenary Sport Complex, Saitual-ah August ni 15, 2023 (Thawhlehni) zing dar 9:00-ah hman ni se, tiin a rel a.Independence Day lawmna atana thil pawimawh hrang hrang bawhzui ngai te rel a ni bawk.

Independence Day ni-ah hian sawrkar office, zirna in leh sawrkar quarters-ah te hnam puanzar zar vek tura tih a ni a. Chawhnu lamah Independence day puala Football , volleyball leh Badminton Final neih a ni bawk ang.

Nimin a Saituala Independenceday hman dan tur relna ahhian DC bakah Saitual District a Head of Office zawng zawng, Kohhran hruatu, Political Party leh Pawl hrang hrang aiawhte an tel a ni.