4700/2024-2025

Saitual, the 19th March, 2025: Fur ruah tui tlak hun a lo hnaih avangin khuarel chhiatna laka mipuite an him theih nan Saitual Bawrhsap Dr. Lalngura Tlau chuan a hnuaia tarlan ang hian thu a chhuah:   

Fur ruah tui tlak hun a lo hnaih leh tak avang leh Directorate of Disaster Management & Rehabilitation Department atanga lehkha kan dawn bawhzuiin a hnuaia tarlante hi mipuiin ngai pawimawha lo zawm theuh turin kan inngen in kan inhriattir e. 

1. Mahni in leh lo thli leh ruahin a tihchhiat mai loh nan thawm that ngaite a tul anga thawm that tur a ni. Fur ruahtuiin leimin a thlen loh nan kan in leh a velah tui hawk luan kawr mumal tak siam tur a ni a, mahni in leh a velah lei min hlauhawm a awm a nih chuan khuh hul that tur a ni. 

2. In sa mek te'n ruahtui tlak hmain an in sak leh a velah leimin emaw midang tana chhiatna thlen thei thil engmah awm lo tura hma lak tur a ni a, tuihawk luan kawr hnawh thei zawngin leivung an paih tur a ni lo.  

3. Kan veng chhunga tuihawk luan kawrte bawlhhlawhin a hnawh em tih enfiah tur a ni a, tuihawk luan kawr dal thei zawnga bawlhhlawh paih loh tur a ni. Tuihawk luan kawr hnawh pin a awm a nih chuan ruah tui tlak tam hmain thenfai vat tur a ni. 

4. Ruahtui tlak tam laiin lui leh tui hmunah te, ramhnuai-ah te kal loh hram tur a ni a. Sorkar thuchhuah thar awm apiangte lo ngaichangin, lo ngaih pawimawh theuh tur a ni. 

5. Thli leh ruah avanga eng (power supply) awm lo mai thei reng a nih avangin kan electric bungraw kawlte charge lawk thin tur a ni. 

6. Thing leh mau thli in a len tluk mai theih a awm a nih chuan kih / a zar thlak lawk tur a ni. 

7. Chhiatna theng thut a lo awm a rang taka report-a hma lak zung zung a nih theihna turin kan veng chunga thuneitute leh NGO-te contact number neih theuh tur a ni. 

8. Thu dik tawk lo leh belhchian dawl lo thehdarh loh tur a ni a, thehdarh lui kan awm a nih chuan Disaster Management Act 2005 hnuaia hremna dan tarlan angin an chungah hremna kenkawh a ni ang. 

Chhiatna a lo thenin Village Disaster Management Committee-in rang takin an bawhzui tur a ni a. Saitual District Emergency Operation Centre emaw kan Zonal Officer- te emaw hnenah a rang thei ang bera hriattir tur a ni.