2559/2024-2025 

Saitual, the 17th October, 2024: Kristian te hunpui kum 2024 Krismas leh kum thar 2025 lawmna hun kan lo hnaih chho leh ta a. Hunpui lawmna vuakvetah hian boruak tibawlhhlawh thei leh hriselna nghawng pawi thei-halpuah, halmawi leh puak thei dangte hala intihhlim kan ching thin a. Krismas leh kum thar boruak a lo thianghlim a, boruak muanawm tak kan neih theihna turin leh hriselna nghawng pawi thei thil a thlen lohna turin thupek chhuah a tul a. 

Dr. Lalngura Tlau, District Magistrate, Saitual District chuan Section-163 of Bharatya Nagarik Suraksha Sanhita, 2023-in thuneihna a pek angin a hnuaia thupekte hi a chhuah:

1. Saitual District chhungah krismas leh kum thar lawmna vuakvetah halpuah, halmawi leh sky lantern lakluh, zawrh leh hal phal a ni lo. 

2. Gelatine leh bomb lam chi reng reng thuneitute hnen atanga phalna bik nei an nih loh chuan zawrh, kawl leh hal phal a ni lo. 

3. Mi tumahin silai lem, a mu kapchhuak thei (mihring tina thei) reng reng an kawl emaw zuar tur a ni lo. 

He thupek hi chhuah a nih atangin thla 2 (hnih) chhung a huam anga, a zawm lo leh bawhchhia chu Section-223 of Bharatya Nyaya Sanhita, 2023 hmangin hremna pek an ni ang. 

He thupek hi October Ni 16, 2024-hian Saitual Bawrhsap chuan Court Seal chhuin a hming a ziahhnan.