2304/2024-2025
Saitual, the 30th September, 2024 : Vawiin chawhma dar 11:00 am khan State Election Commission rua hman angin 2nd General Election to Sinlung Hills Council 2024 atan Final Electoral Rolls chu DC Conference Room Saitualah District Bawrhsap, District Election Officer ni bawk Dr. Lalngura Tlau chuan a tlangzarh.
District Election Officer Dr Lalngura Tlau chuan kalkhawmte hnenah Draft Roll tlangzarh a nih hnuah AERO-te’n hearing neiin theihtawp an chhuah a, chumi zara a hun takah Final Roll tlangzarh a ni thei chu lawmawm a tih thu a sawi a. Sinlung Hills Council Election term 2-naah hian Political Party, Village Council, Home department leh NGO hruaitute chu inthlanna thianghlim leh muanawm a awm theih nan theihtawp chhuah theuh turin DEO hian a sawm nghal a ni. Final Roll felfai tak tlangzarh a nih tak avangin inthlan inbuatsaih nana inpuahchah zui a tul thu a sawi bawk.
2nd General Election to Sinlung Hills Council 2024, kaltlanga buatsaih Final Electoral Roll 2024 tlangzarh takin a tarlan danin Saitual District chhungah Constituency 4; 1-Khawlian, 2-Phuaibuang, 3-Suangluilawn leh 4-Vanbawng chhungah vote nei mi 8047 (mipa 4074 leh hmeichhia 3973) an awm mek a, Polling Station ah 4-NE Tlangnuam, 11-Phuaibuang, 8-Suangpuilawm leh 3-Vanbawngahte Mipa voters aiin Hmeichhe voters an tam zawk a ni.
Constituency 4 zingah 1-Khawlian ah vote nei mi 2392 (mipa 1208 leh hmeichhia 1184) awmin an tam ber a, 4-Vanbawngin dawtin vote nei mi 1981 (mipa 1024 leh hmeichhia 957) an awm a, 3-Suangpuilawnin dawt lehin voter 1930 (mipa 969 leh hmeichhia 961) awmin, 2-Phuaibuang ah voter 1744 (mipa 873 leh hmeichhia 871) awmin vote nei awm tlemna ber a ni.
Constituency 4-ah Polling Station 12 a awm mek a; 10 – Phuaibuang-I Polling Station (2-Phuaibuang Constituency) ah vote nei mi 989 awmin vote nei tamna ber Polling Station a ni a, 5-Lamherh Polling Station-ah vote nei mi 404 awmin Polling Station vote awm tlemna ber a ni. 1-N Khawlek Polling station hi voters punna sanga ber niin, 5.90% in an pung a, 5-Lamherh Polling station ah hian voters hi -3.80% in an kiam thung a, kiamna tam ber a ni.
Vawiina Final Electoral Roll tlangzarhnaah hian election officials te, BLO te NGO pawl hrang hrang aiawhte leh party aiawhte an kalkhawm a, tlangzarh a nih hnu hian Political Party aiawhte hnenah Final Electoral Roll copy hnih theuh hlan nghal a ni.
Attachment
- Loading attachment...
