601/2025-2026
Saitual, the 14th May, 2025: Saitual District chhunga Blackout Mock Drill neih tur chungchangah a hnuaia tarlan ang hian Saitual Bawrhsap Dr. Lalngura Tlau chuan hriattirna a chhuah:
District Level Civil Defence Advisory Committee-in a lo rel tawh angin May ni 15, 2025 zan dar 6:30 atanga dar 6:33 (minute thum) chhung Blackout Mock Drill neih tur a ni a. Dar 6:25 atangin au rinna (information mic) hmangin Siren tihrik a nih dawn avangin mipuite lo chiai lo turin kan inngenin kan inhriattir a ni.
He Mock Drill hi thuawih takin zawm tur a ni a, current tih thim chhung hian eng thei chi reng reng engmah tih en loh tur a ni
a. Inverter leh generator mangte'n lo off lawk vek tur a ni. Mock Drill neih a nih chhunga motor khalh laite kan awm a nih chuan engine off vek tur a ni.
Tin, May ni 16, 2025 chawhma dar 1 atangin Mock Drill on Building Fire caused by Air Raid neih tur a ni a. Govt. Selchhunga P/S, Saitual bakah FCS&CA Godown-ah leh Saitual Bazar-ah neih tum a ni. Hei hi chhiatna a lo thlen thulha nunchan zirna a nih avangin mipuite lo chiai lo turin kan inngen a, Mock Drill kal lai tibuai thei zawnga lo awm lo turin kan inngenin kan inhriattir bawk e.
