1447/2026-2027

Champhai, 17th July, 2026: Dan loa ruihhlo tawlh khapna leh ruihhlo man tawhte felfai taka tihral a nih theih nan, Saitual District Drugs Disposal Committee chuan vawiin khan Champhai District Hospital Incinerator-ah ruihhlo cheng vaibelchhe 60.58 man hu hal ral.

Vawiin ruihhlo tihral inkhawm hi Deputy Inspector General of Police Pu C. Lalnunmawia chuan hmanpuiin thu a sawi a, Saitual District Police Force (DEF) te chu ruihhlo kaihhnawih dan bawhchhiatna hmuh chhuah leh manna kawnga an thawh rimna leh an inpekna chu fakawm a tih thu sawiin, ruihhlo do kawngah department hrang hrang leh district hrang hrangte te chu thawhhona neih that a pawimawh thu a sawi bawk.

He hunah hian Pu Lokeshwaran, SP, Champhai, Pu Vivek Maurya, Chairman, District Drug Disposal Committee, Saitual SP ni bawk leh Committee member- Pu Tharun Patnaik Mandala, SDO (Sadar), Saitual, Pu Hmingthansanga, SDPO, Saitual, leh Pu Lalhmingthanga, Assistant Commissioner (Excise), Saitual te an tel a, an ni bakah hian Champhai District Hospital Medical Staff-te, Champhai leh Saitual DEF-a police officer leh police personnel-te an tel bawk a ni.

He hunah hian a hnuaia ruihhlo tarlante hi tihral a ni:

1. Heroin – 9.163kg,  ₹18,32,60,000 man hu vel.
2. Methamphetamine – 52.817kg , ₹42,25,36,000 man hu vel.

Heng ruihhlo tihral zawng zawngte hi a vaiin ₹60,57,96,000 (Cheng vaibelchhe sawmruk, nuai sawmnga leh pasarih, singkua sang ruk) man hu niin, danin a phut angin boruak tihbawlhlawh a nih loh nan Champhai District Hospital Incinerator-ah felfai taka tihral a ni.