3031/2023-2024

Dated Saitual the 13th December, 2023 : Kristian te hunpui kum 2023 krismas leh kumthar 2024 lawmna hun kanlo hnaih chho leh ta a. Hunpui lawmna vuakvetah hian boruak tihbawlhhlawh thei leh hriselna nghawng pawi thei-halpuah, halmawi leh puak thei dang te hala intihhlim kan ching thina. Krismas leh kumthar boruak a lo thianghlim a, boruak muanawm tak kan neih theihna turin leh hriselna nghawng pawi thei thil a thlen lohna turin thupek chhuah a tul a.

Chuvangin, Dr. Lalngura Tlau, District Magistrate, Saitual District chuan Section-144 of CrPC-in thuneihna a pek angin heti ang hian thupek a chhuah :

1. Saitual District chhungah krismas leh kumthar lawmna vuakvetah halpuah, halmawi leh sky lantern lakluh, zawrh leh hal phal a ni lo.

2. Gelatine leh bomb lam chi reng reng thuneitute hnen atanga phalna bik nei an nih loh chuan zawrh, kawl leh hal phal a ni lo.

3. Mi tumahin silai lem, a mu kapchhuak thei (mihring tina thei) reng reng an kawl emaw zuar tur a ni lo.

He thupek zawm lo leh bawhchhia chu IPC Section 188 hmangin hremna pek an ni ang.

He thupek hi vawiin December Ni 13, 2023 (Nilaini) khan Court Seal a chhu in a hming a ziahhnan a ni.