758/2025-2026

Saitual, the 9th June, 2025: June ni 6 khan DC Conference Hall, Saitualah, District Planning Committee (DPC) for Saitual District chu an chairman Dr. Lalngura Tlau kaihhruainain an thu khawm.

He hunah hian Dr. Lalngura Tlau chuan thu a sawi a, Saitual District-in District Planning Committee felfai tak a nei theih chu lawmawm a tih thu a sawi a, Article 275 (1) hnuaiah khawtlang mipuite hmasawnna tura tanpuina (fund) dil theih a nih angin, DPC chuan hemi kawnga an hmalakna tur project proposal an neih te an thehlut dawn a ni, a ti.

Bawrhsap chuan project proposal lut te chu District Level-a pawm a nih hnuah State Level-ah thawn thlak a ni ang a, State Level Executive Committee chu June ni 12 ah thukhawmin heta an project pawmpuite hi Ministry level-ah Project Approval Committee (PAC)-ah an thehlut leh dawn a ni, a ti.

Bawrhsap chuan department hotute leh khawtlang hruaitute chu project tha leh lian tham an duang a nih chuan DPC kaltlangin Ministry of Tribal Affairs (MoTA) ah te pawh a dil theih dawn a ni, a ti a. Kalkhawmte chu an project siam saah te ngaih pawimawh hmasak nei turin leh an tihpuitlin ngei theih tur project ngaihtuah turin a chah a ni.

He thutkhawmah hian Pi C. Lalnunsiami, SRO-cum-Under Secretary, P&PID leh DPC Member Secretary ni bawk pawhin thu sawiin, District level atangin ruahhmanna felfai zawk a awm theih nan DPC hi din a ni, a ti a. DPC member te chu project tha zual te thlang chhuak tura rilru seng theuh turina chah a, district hmasawnna tur leh mipuiina an chhawr theih ber ngaihtuah a tul a ni, a ti.

Pi C. Lalnunsiami chuan Article 275 (1) hian a huam zau hle a ni, a ti a, chuvang chuan scheme awm sa chhunzawm theih loh chhunzawm na tur (gap filling) fund atan pawhin a hman theih dawn a ni, a ti. March 2024 hmaa Project thenkhat fund pek tawh hna la thawh loh te erawh surrender a tul dawn a ni tih a sawi bawk.

Department hotute leh khawtlang hruaitute chuan an project proposal sawi zauna hun an hmang nghal a. Heng an project proposal thehluh atang hian DPC chuan a tha zual te thlang chhuakin June ni 9-10 hmain State Level-ah an thehlut dawn a. State Level Executive Committee chu June ni 12-ah thukhawmin an project pawm (approve) te chu Ministry Level-ah thehlut leh dawn a ni.

Thutkhawm hi Dr. Lalngura Tlau, DC & DPC chairman in a kai hruai a, Pi C. Lalnunsiami, DPC Member Secretary bakah DPC member te an tel a ni.